الحجاب بغطي الشعر والأضان والرقبة من ورا، لكن الوش والجبهة والرقبة من قدام بفضلوا مكشوفين، يعني المنطقة المعرضة للشمس أقل، لكن المسح اليومي على الوش لازم يكون أقوى لأنو ده الجزء الوحيد الواقع تحت الشمس مباشرة، والمنطقة دي عرضة للكلف والتصبغات
والملاحظة المهمة، حتى لو الحجاب بغطي الشعر، الشمس بتعدي القماش بدرجات مختلفة حسب نوعو، القماش الفاتح والخفيف بسمح بمرور جزء من الـ UVA، وفي قماش معالج بحماية UPF 50+ مخصص للمحجبات في المناخات الحارة بوازن بين عد الإحساس بالحرارة والحكماية، وفي الاختيار يفضّل قماش غامق (بحمي أكتر من الأشعة فوق البنفسجية) أو معالج للحماية، والشمس القوية ممكن تخترق طبقة قماش واحدة وتسبب تصبغات تحت الحجاب بمرور الوقت.
الوضوء تحدي عملي للواقي، الواقي الكامل قبل الوضوء بنشال جزء منو مع غسيل الوش، والصاح بعد كل وضوء إعادة المسح، خاصة في الصلوات اللي بنخرج بعدها لشغل أو سوق، والحل الأبسط واقي بصيغة سائلة سريعة الامتصاص، بنشف بسرعة فما بنزل كتير مع المسح، وممكن إعادة مسحة خفيفة بعد التجفيف، والوضوء ما بفسد الواقي تماماً، بشيل طبقة سطحية، والطبقة العميقة المتشربة في الجلد بتفضل في مكانها لحد ساعات.
ومن الحلول الذكية، الواقي الملون بأكاسيد الحديد بفرق هنا، لأنو بعمل عمل مزدوج، حماية وأساس ملون، فبعد الوضوء البسيط نقدر نمد طبقة بسيطة في الجبهة والوجنتين بسرعة وبتدي الحماية في خطوة واحدة، والكوشن الكوري (إسفنجة مشبعة بكريم أساس "فاونديشن" خفيف مدمج مع مرطبات وعناصر للعناية بالبشرة) كمان سريع ومناسب للعمل بعد الوضوء.
في البوست الجاي حندخل في القسم الأخير من السلسلة، طريقة الحماية المتكاملة، القبعات والنضارات والملابس UPF والتوقيت، وكيف نحمي نفسنا بأدوات تكميلية مع الواقي.
ودمتم بصحة وعافية 🌿
#حكاية_الشمس_والبشرة #عيادات_بيت_العافية #عيادة_الجلدية_أون_لاين