الجلد براحة اياديك وبواطن قدميك بختلف تماماً عن باقي جلد جسمك، "قوي" وناشف، وما فيهو شعر، وبنعرق فيهو أكتر من أي مكان تاني، الجلد في المناطق دي (Volar skin) هو "أكثر تخصصاً" في جسم الإنسان كلو، مصمم بطريقة هندسية معقدة (Specializations) عشان يقدر يتحمل الضغط المستمر، الاحتكاك، وشيل وزن الجسم كلو.
مميزاتو:
• البصمات (Dermatoglyphics): دي تعاريج دقيقة بتزيد قوة القبضة (Grip) وبتقوي إحساسنا باللمس.
• خالي من الشعر والدهون: الجلد ده ما فيهو بويصلات شعر ولا غدد دهنية، لكن فيهو أعلى كثافة من غدد العرق (Eccrine sweat glands) في الجسم كلو عشان التبريد وتثبيت القبضة.
• هندسة داخلية جبارة: جوه خلايا الجلد ده في بروتينات متخصصة (زي السيخ في الصبة) اسمها "كيراتين"، ومسامير ربط اسمها "ديزموزومات" وقنوات اتصال اسمها "كونيكسينات"، المنظومة دي هي البتضمن إنو جلدك ما "يتفرتق" تحت ضغط المشي والحركة.
بتبدأ المشكلة لما التوازن ده يختل، والجلد يبدأ ينتج كيراتين زيادة (Hyperkeratosis) كآلية دفاعية أو بسبب عطل جيني، وعندها بنصل لمرحلة "سُماكة الجلد" أو ما يعرف بـ (PPK).
وهو طيف واسع من الحالات بيبدأ من "التقرن" العادي لحدي الأمراض الوراثية المعقدة
في السلسلة دي، حنأخدكم في رحلة نفكك فيها لغز السُماكة دي، ومتين تكون علامة لمرض زي السكري أو الغدة، وكيف بنقدر نعالجها ونخفف ألمها.
________________________________________
عناوين حلقات السلسلة:
1. جلد الكفين والقدمين - ليه هو مختلف؟ (المقدمة والبيولوجيا).
2. السُماكة ما كلها واحد — أنواعها (الكاملة، النقطية، والخطية) وكيف نُفرّق بينها.
https://www.facebook.com/share/p/186JikxWAG/
3. المشي يجرح — الثفن (الكالو) وعين السمكة والنتوء الراحي الصعب (IPK).
https://www.facebook.com/share/p/14effabaZsr/
4. الصدفية أم الإكزيما؟ — لغز تشخيصي في راحة يدك.
https://www.facebook.com/share/p/1aRhLiGJHv/
5. السكري يرسم على قدمك — العلامات الجلدية للسكري وخطورة الثفن.
https://www.facebook.com/share/p/1B6catdLAm/
6. الغدة الدرقية وجلدك — حين يُبطئ الجسم كل شيء وتتراكم السُماكة.
https://www.facebook.com/share/p/18RNQWT31t/
7. حين تكون السُماكة في الجينات — الأمراض الوراثية النادرة وألم "المشي على الزجاج".
https://www.facebook.com/share/p/1CdG9KWViG/
8. كيف نُعالج ونمنع — الدليل العملي من "اليوريا" لحدي الجراحة العظمية.
https://www.facebook.com/share/p/1BgGFvZSne/
#عيادات_بيت_العافية
#عيادة_الجلدية_أون_لاين