في جلدنا، الأكزيما مرات ما تجي كرقعة عريضة، بل كحبيبات طالعة حول بصيلات الشعر، فتدي منظر بشبه أمراض تانية تماماً، الغلطة في الباب ده شائعة جداً، خصوصاً مع عادات العناية بالشعر والجلد في مجتمعاتنا.
أول حاجة لازم نفرّقها هي Keratosis pilaris دي “جلد الوزة” المعروفة، حبيبات صغيرة مزمنة ثابتة، غالباً ما فيها التهاب واضح، وما فيها حكة شديدة، وتجي في أماكن نمطية، التمييز هنا سلوكي: الحالة مستقرة لسنين، وما بتشتعل فجأة ولا تعمل نزّ، والحكة إن وجدت بتكون خفيفة.
بعدها في التهاب البصيلات البكتيري Bacterial folliculitis. ده عادة بجي بحبوب صديدية مؤلمة، أحياناً فيها مركز ميت أو قشرة صديدية، وعادة بستجيب سريع للمضادات الحيوية
وفي نوع ثالث مهم جداً: Pityrosporum (Malassezia) folliculitis. ده مشهور بحبيبات متشابهة في الشكل (monomorphic)، كثيراً ما تكون في الصدر والظهر والعضدين، وبتجي عادة بحكة، وتزيد مع العرق والحر. التمييز هنا إنو ما بتلقى رؤوس سوداء/بيضاء زي حب الشباب، وغالباً تتحسن بمضادات فطريات ما بمضادات حيوية.
وطبعاً حب الشباب Acne vulgaris ذاته ممكن يخش في التداخل، خصوصاً عند الشباب، الفارق الأساسي وجود comedones (رؤوس بيضاء/سوداء) وتوزيع دهني معروف، مع آفات مختلفة الأشكال في نفس الوقت، الأكزيما الحبيبية غالباً بتجي بـ “حكة أولاً” ثم طفح ثم سماكة وتصبغ، أكثر من كونها انسداد مسام كلاسيكي.
وأخيراً ممارسات العناية بالشعر—مواد فرد كيميائية، تسريحات مشدودة، حرارة عالية—قد تسبب تهيج بصيلات، وتزيد تعقيد الصورة، خصوصاً في فروة الرأس ومناطق الشعر، عشان كده التاريخ التفصيلي عن روتين الشعر والفحص الدقيق لمناطق الشعر ضرورة، وإلا حتتداخل علينا الأكزيما مع التهاب البصيلات الميكانيكي/الكيميائي.
#عيادات_بيت_العافية #عيادة_الجلدية_أون_لاين