موضوع الكلف في السودان ما مجرد "بقعة" مزعجة في الوش، ده تحدي حقيقي بيواجه أصحاب البشرة السمراء خصوصا لشيوعو بينهم (بشرتنا الجميلة من الدرجة الرابعة للسادسة).
ولأننا في عيادات بيت العافية بنؤمن إن "تبسيط العلم" هو أول خطوة في طريق العلاج الصحيح، قررنا نفتح معاكم ملف الكلف من الألف للياء، بمعلومات علمية دقيقة ومبسطة حتغير فهمكم تماماً للموضوع ده.
حنمشي معاكم في سلسلة من 7 محطات أساسية، حنغوص فيها في تفاصيل جلدنا ونفهم الحاصل:
المحطة الأولى: "سر الجذور" حنعرف ليه جسمنا بفرز صبغة أصلاً، وكيف إن الكلف هو "رد فعل دفاعي" قديم كان بيحمي أجدادنا، وحنتكلم عن "خلايا الزومبي" في عمق الجلد والضوء الأزرق اللي بنستهون بيه.
https://www.facebook.com/share/p/1AYCE63M97/
المحطة الثانية: "دوامة السودان" ليه الكلف عندنا منتشر كدة؟ وحنتكلم عن نتائج دراسات مستشفى الخرطوم للجلدية، وعلاقة الكلف بعدد الولادات، وحرارة المطبخ، والتوتر، وحتى الأكل.
https://www.facebook.com/share/p/1CEPu5zTbj/
المحطة الثالثة: "خريطة الوش" ليه الكلف بيحب الجبهة أو الخدود أو الفك؟ وحنعرف إن مكان الكلف في وشك بيقول لينا كتير عن سببه وعن عمر البشرة.
https://www.facebook.com/share/p/1ARJp99qNh/
المحطة الرابعة: "قواعد الاشتباك" حنفهم الفرق بين "التبييض" وبين "السيطرة"، وحنشرح الخلطة الثلاثية والهيدروكينون ونعرف متين بكونوا أبطال وبتين بكونوا أعداء.
https://www.facebook.com/share/p/189Utej2Zh/
إستطراد حول لماذا السلسلة دي ما رخصة لتجربة العلاجات بشكل عشوائي
https://www.facebook.com/share/p/1CLw3MZTqV/
المحطة الخامسة: "أسلحة العصر" حنتكلم عن الثورة الجديدة: الثياميدول، السيستامين، والترانيكساميك أسيد الفموي، وحنعرف دور ليزر "البيكو" والديرما بن في تغيير قواعد اللعبة.
https://www.facebook.com/share/p/1AQoK6GCSa/
المحطة السادسة: "إتيكيت التعايش" لأن الكلف "صديق مزمن"، حنعلمكم كيف تختاروا العلاج حسب عمق الصبغة، وكيف تعملوا "خطة سحب" وتدوير عشان النتائج تدوم وما ترجعوا لنقطة الصفر.
https://www.facebook.com/share/p/1b9PrptUDt/
المحطة السابعة: "كابوس الأوكرونوزيس" المحطة الأهم للتحذير من "خلطات السوق" وكيف ممكن الوش يزرق ويبقى زي الوشم الدائم لو اتعاملنا معاه بسبهللية وعشوائية.
https://www.facebook.com/share/p/17wFqEy1jV/
جهزوا نفسكم، وتابعوا معانا السلسلة دي بوست ببوست، لأن الوعي هو نص العلاج.
#عافية_التصبغات
#عيادات_بيت_العافية #عيادة_الجلدية_أون_لاين