ناخدو لبتين؟

الخطأ القاتل والمشهور جداً اللي بيقع فيهو معظم الناس هو الاستعجال وإيقاف العلاج بمجرد زوال الأعراض أو بمجرد ما فحص الـهيموجلوبين Hb يرجع للمعدل الطبيعي، وده مفهوم خاطئ تماماً

لأنو الجسم عندو أولويات، فهو بيصلح الهيموجلوبين (رصيد الصرف اليومي) أولاً في فترة 6 لـ 8 أسابيع الأولى من العلاج، لكن الـ Iron Stores أو مخازن الحديد (زي ما بيدل عليها الـ Ferritin) بتكون لسه فاضية

عملية إعادة ملء المخازن دي عملية بطيئة ومملة بتحتاج استمرار في العلاج لمدة تتراوح من 3 لـ 6 شهور إضافية بعد اعتدال الدم، ولو وقفنا بدري المخازن حتفضى تاني ونرجع للمربع الأول في شهور بسيطة

الهدف هو أن الفرتين يصل 50 نانوغرام/مل، رغم انو حيظهر طبيعي من أبدر، لكن ده الحد اللي اتلقى انو مفيد أكتر للمناعه، والحد الطبيعي هو للرجال (30 - 400) وللنساء (13 -150)

وعشان نتأكد إننا ماشين في السكة الصح وما نضيع زمننا وقروشنا، لازم نعرف "متين" بالضبط نعيد التحليل وشنو هو التحليل المطلوب، لإنو الاستعجال في الفحص بيدينا قراءات مضللة، وده اللي حنرتبو ليكم في البوست الجاي.

#عيادات_بيت_العافية

#عيادة_الجلدية_أون_لاين