أمثلة لمنتجات مختلفة (11)
🎫 بطاقة الهوية:
• الاسم: Glycerin Body Lotion (Generic).
• العائلة المسيطرة: شفاط موية (Humectant).
•
🔬 التشريح (المكونات): تركيبة سائلة بتعتمد على الجلسرين كمكون أساسي، مخفف بموية ومواد استحلاب عشان يكون سايل (Lotion) وسهل الفرد، عكس الكريم التقيل (العلبة الحمراء).
⚖️ التحيز (بيشتغل كيف؟): تحيزه "ترطيب مائي سريع". هو بيشرب الجلد موية بسرعة، وبما إنه لوشن، نسبة الموية فيه عالية فبيدي برودة وانتعاش، لكن الطبقة العازلة فيه (Occlusive) ضعيفة.
✅ ينفع لمنو؟ (حسب تصنيف باومان):
• البشرة العادية (Normal): في الجو المعتدل.
• بعد الاستحمام السريع: للناس الما عندهم وقت يفركوا كريمات تقيلة.
❌ ما ينفع لمنو؟:
• الجفاف الشديد (Dry/Eczema): لأنه خفيف، الموية حتتبخر منه بسرعة وما حيصمد طول اليوم.
• جو السودان الجاف (بدون عازل): زي ما شرحنا في "خداع الشفاطات"، لو استخدمته براو في الحر والجفاف، ممكن ينشفك زيادة بعد ساعة.
💡 نصيحة "جلدية": ده أحسن استخدام ليه هو "الخلط". ضيفي ليهو نقاط من زيت اللوز أو زيت الأطفال (Baby Oil) ورجيه كويس. كدا إنتي ضفتي ليهو "العازل" الناقص، وبقى لوشن مثالي وخفيف.
#عيادة_الجلدية_أون_لاين
#عيادات_بيت_العافية
#أسرار_الترطيب