هل زيت الزيتون كويس نعملو في منطقة الحفاض عشان يمنع التسلّخ؟
الجواب:
في كم دراسة صغيرة – أغلبها من إيران وإندونيسيا – جرّبت دِهانات فيها زيت زيتون على أطفال عندهم تسلّخ حاصل بالفعل، ولقوا إنو بتحسّن الحالات الخفيفة خلال عدة يوم. يعني فعلاً في تحسّن اتسجّل، لكن الدراسات كانت محدودة، والعلاج كان بعد ما التسلّخ حصل، ما كوقاية من البداية.
لكن لمن نمشي للبحوث الجلدية الأعمق، بتظهر صورة مختلفة. في دراسات معمولة في الكبار والأطفال لقوا إنو زيت الزيتون، خصوصاً لما يتكرر استخدامه، ممكن يضعّف حاجز الجلد بمرور الزمن.
السبب إنو زيت الزيتون غني بـ الـ Oleic acid، والمادة دي بتفكّك ترتيب الدهون البِتربط خلايا الجلد في بعض، وده بيخلي الجلد أكثر عرضة للالتهابات والتهيّج والمسامير.
وفي مراجعات علمية واسعة لجلد الأطفال حديثي الولادة، نُصح بشكل واضح إنو الزيوت البتحتوي Oleic acid عالي – زي زيت الزيتون وزيت الخردل – ما تتعمل روتين ثابت، لأن جلد الطفل رقيق وحسّاس، وأي خلل في الحاجز بتاعو بيعمل مشاكل كبيرة.
عشان كدا، ورغم إنو في شوية دراسات صغيرة لقت فائدة في علاج التسلّخ الحاصل بالفعل، لكن ما في دليل قوي يدعم استعمال زيت الزيتون كمرطّب يومي أو كوقاية.
والأهم: الأدلة الجلدية الحديثة بتمشي في اتجاه إنو ممكن يكون ضار لو استُعمل بشكل روتيني.
الأفضل والأكثر أمانا حسب كل الإرشادات الطبية لغاية الآن هو استعمال كريمات الزنك أوكسيد لأنها بتعمل طبقة حماية ثابتة، ما بتدخل في الجلد، وبتمنع الموية والبول من ملامسة البشرة.
#عيادات_بيت_العافية
#عيادة_الجلدية_أون_لاين